Grímur Þ. Valdimarsson var kjörinn forseti Rótarýklúbbs Rvk -Breiðholt
starfsárið 2022-2023.
Grímur fæddist í Reykjavík 1949 en á ættir að rekja í Biskupstungur og
Eyjafjallasveit.
Hann gekk í Menntaskólann í Reykjavík og þaðan í Háskóla Íslands þar
sem farið var að bjóða upp á nám í líffræði. Að loknu BS prófi lá leiðin í
framhaldsnám við Strathclyde háskólann í Glasgow þar sem hann
rannsakaði örverur sem geta skaðað sjávarfiska í eldiskerjum, en upp úr
1970 töldu margir að blómaskeið fiskeldis í sjó væri rétt handan við
hornið.
Þegar heim var komið hóf Grímur störf á gerladeild
Rannsóknastofnunar fiskiðnaðarins að Skúlagötu 4. Þeirri stofnun veitti
hann síðan forstöðu 1984-1997. Þá lá leiðin til Rómar í starf hjá
Matvæla- og landbúnaðarstofnun Sameinuðu Þjóðanna (FAO), en hann
stýrði Fiskiðnaðarsviði þeirrar stofnunar til 2010. Verkefnin hafa snúið
að heilnæmi fiskafurða, geymsluþoli, gæðakerfum og vinnslutækni sem
og ábyrgri nýtingu fiskiauðlinda.
Grímur er kvæntur Kristínu Jónsdóttur,
líffræðingi og eiga þau þrjú börn, níu barnabörn og þrjú
barnabarnabörn.
