Haustið 2022 stendur Rótarýklúbburinn fyrir sjálfsstyrkingarnámskeiði fyrir 25-30 stúlkur í 7. bekk grunnskólanna í Breiðholti.
Rótarýklúbburinn Reykjavík-Breiðholt býður fimm stúlkum í 7. bekk úr hverjum skóla í Breiðholti upp á sjálfstyrkingarnámskeið miðvikudagana 2. og 9. nóvember.
Á námskeiðinu er leitast við að kenna þátttakendum þrennt:
1. Að þekkja hugtakið sjálfsmynd.
2. Að þekkja eigin sjálfsmynd.
3. Að þekkja leiðir til þess að fyrirbyggja að sjálfsmyndin þróist í neikvæða átt.
Kristín Tómasdóttir kennir námskeiðið og byggir það á sjálfstyrkingarbókum sem hún hefur skrifað fyrir stelpur á öllum aldri.
Staðsetning: Fellaskóli
Skólarnir fimm í Breiðholti velja þátttakendurna en klúbburinn nýtur einnig styrks frá umdæminu til verkefnisins.